Presidenti serb Aleksandër Vuçiq ka takuar Vladimir Putin, presidentin e Rusisë përgjatë vizitës në Kinë.

Vuçiqi ka thënë se me Putinin nuk pati takim dypalësh, por vetëm se ka pasur bisedë të shkurtë me të.

“Pashë se Putini po shpërthente nga vetëbesimi”, u ka thënë ai gazetarëve serbë në Pekin, siç raporton Danasi serb.

Vuçiq ka shtuar se ka folur me Orbanin.

Ndërsa, me presidentin e Kinës, Xi Jinping, Vuçiq ka thënë se ka folur për tema të rëndësishme, përfshirë edhe për Kosovën.