Në Mitrovicën Veriore sot serbët kanë mbajtur protesta nën intonimin e himnit të Serbisë, flamujve serbë e këngëve nacionaliste.

Serbët kanë protestuar për shkak të suspendimit të drejtorit të policisë, Nenad Gjuriq.

Ky i fundit gjatë kësaj proteste ka bërë një deklaratë tendencioze.

Duke e arsyetuar dorëheqjen e tij, ai ka thënë se s’ka dashur më të shërbejë për t’u ndjerë i turpëruar para popullit të tij, përcjell Insajderi.

“Për të gjitha ata që lëkunden dhe dyshojnë në të vërtetën e veprave të bëra, dua të citoj të madhin Njegosh i cili tha, të gjithë lindin për të vdekur një ditë, nderi dhe turpi rrojnë përjetë”, deklaroi ai.

Kërkesë e protestuesve serbë, ishte pezullimi i vendimit të qeverisë Kurti për konvertimin e targave serbe në RKS si dhe themelimi i asociacionit. /Insajderi