Boksieri shqiptar Altin Zogaj të shtunën do të përballet me një kundërshtar nga Armenia, Hovhannisyan i cili jeton në Gjermani dhe është kampion momentalisht në federatën botërore WBA dhe mban brezin WBA Continental Champion, poashtu është kampion në federatën botërore WBC dhe mban brezin WBC Asian Boxing Council Continental.

Shqiptari Altin Zogaj duhet ta mposht ketë kundërshtar dhe do t’i lejohet të boksojë në qershor për titullin Kampion i Evropës. Duhet cekur se ishte titulli më i lartë të cilën arriti ta fitonte në boksin profesionist, Luan Krasniqi. Por sipas drenicasit Zogaj është fokusi njëherë te sfida e së shtunës: Fillimisht do t’i kushtojë shumë vëmendje dhe do të koncentrohet në sfidën e së shtunës”, ka thënë Zogaj, i cili në tre muajit e fundit ka stërvitur nga dy herë në ditë vetëm e vetëm që të jetë në formën më të mirë për përballjen e radhës. Lajm i mirë është që Zogaj i ka kaluar me sukses stërvitjet dhe pa asnjë lëndim.

Në të njëjtën mbrëmje do të ketë meçin kryesor bokseri Festim Kryeziu me nofkën “Timo Schwarzkopf” nga Mleqani. Kryeziu do sfidohet me një meksikan i cili ka provojë dhe suksese të madh në karrierën e tij, disa nga sukseset e meksikanit janë kampion bote shtatë herë në karrierën e tij dhe boksoj kundër gjigantit meksikan Canelo Alvarez në 10 runde ku është mposhtur me poenë. Synim i Kryeziut është ta mposhtë meksikanin dhe poashtu në qershor ta ketë të drejtë të boksojë në federatën botërore IBO, për titullin e botës IBO World Champion.

Zogaj si mbështetës dhe prezantues në të gjitha ndeshjet e tij me ëmblën e UÇK-së do e ketë hyrjen në ring me këngën (Marrshi i UÇK-së). Kryeziu do hy me këngën e Ilir Shaqirit (Prite Prite). Këto dy meçe do të transmetohen në televizionin publik RTK1 na orën 22:40.