Komuna e Prishtinës ‘shpërbleu’ me tender’ 30 mijë euro për sigurim fizik të objekteve të KPSH kompaninë “King Security, menaxheri i kësaj kompanie është Nuredin Ibishi, ish deputet nga radhët e LDK-së. Ky tender ka shkuar edhe në OSHPE pas ankesave ndaj Komunës.

Gazeta Insajderi

Me 27.09.2023, Komuna e Prishtinës ka shpallur fituese kompaninë “King Security” në tenderin “Sigurim Fizik i Objekteve të KPSH.

Vlera e kësaj kontratë është 32 mijë euro.

Organi shqyrtues i prokurimit ka pranuar ankesa lidhur me këtë tender, pasi kompania konkurruese “Rojet E Nderit SH.P.K”, ka parashtruar aknes për parregullsi në aplikim.

“Bazuar në LPP ne kemi dorëzuar kërkesën për ri-shqyrtim dhe se vepruar konform hapave
në E=prokurim,por si duket ka pasur probleme teknike në Esistem dhe nuk na janë
plotësuar të dhënat e Kompanisë, andaj AK ka shfrytëzuar këtë zbrazëtirë si “arsyetim” për
mos shqyrtim të pretendimeve tona“, thuhet në ankesën që është në shqyrtim.

Menaxheri i kompanisë “King Security” i afërt me LDK-në

Kompania e cili doli fituese në tenderin e Komunës së Prishtinës, kishte për menaxher ish deputetin e LDK-së , Nuredin Ibishi Leka.

Ai njihet si ekspert i çështjeve të sigurisë.

Në vitin 2014 ishte zgjedhur deputet ne Parlamentin e Kosovës. Momentalisht kryen funksionin e menaxherit në Kompaninë e Sigurisë “King Security”

Gazeta Insajderi ka provuar të kontaktojë edhe me ish deputetin në fjalë, por i njëjti nuk ka kthyer përgjigje.