Sot ka ndërruar jetë Jeton Berisha, njëri nga tre viktimat e tentimvrasjes së para disa javësh në Pejë.

Këtë për Insajderin e ka konfirmuar, zëdhënësi i Prokurorisë, Shkodran Nikçi.

“Është lëshuar urdhëri per obdukimin e viktimës nga Prokurori i shtetit”, ka thënë Nikçi për Insajderin.

Kujtojmë se tre persona u patën plagosë me 22 maj në qendër të Pejës, pas një mosmarrëveshje.

Të plagosur kishin mbetur Jeton Berisha i cili ka ndërruar jetë sot në Qendrën Klinike Universitare të Kosovës, dhe dy djemtë e tij Jetnisi dhe Jetarti.

I dyshuar për këtë rast është Agron Gashi, të cilit Gjykata Themelore e Pejës, më 24 maj ia ka caktuar masën e paraburgimit prej një muaji.