![](https://insajderi.org/wp-content/themes/insajderi-org/logo/menu-insajderi.png)
Qeveria e Kosovës sot ka miratuar tri Projektligje që i hapin rrugë transformimit të FSK-së në Ushtri.
Por një gjë të tillë e ka kundërshtuar presidenti i vendit, Hashim Thaçi në një konferencë për media.
Ai ka thënë se veprimet e tilla nuk bëhen kokë më vete, transmeton Insajderi.
“Ne kemi filluar tash e një kohë një proces të vetëdijesimit dhe kemi arritur në një fazë të rëndësishme të koordinimit. FAK duhet të jenë të mirëpritura dhe të jetë një proces i hapur, i sigurt për Partneritet për Paqe dhe NATO e jo një veprim kokë në vete për ta izoluar dhe për ta lënduar rëndë misionin multietnik të qeverisë. Një veprim i njëanshëm i çon në izolim, një veprim i koordinuar i hap rrugë të sigurt zhvillimit e forcimit”, ka thënë Thaçi.
“Sot është një ditë e rëndësishme historike. Parlamenti Europian e voton liberalizimin e vizave për Kosovën… Mendoj se procedimi i kësaj çështjeje sot është moment i gabuar sepse nuk kemi nevojë që këtë mëngjes ta dërgojmë këtë mesazh tek aleatët”, tha Thaçi. /Insajderi.com