Presidenti i Kosovës, Hashim Thaci, ka thënë pas zgjedhjes së Kadri Veselit si kryetar i PDK-së se “ndihem mirë kur shoh tranzicionin e suksesshëm në lidershipin e PDK-së.”

Ish-kryetari i kësaj partie që nga themelimi i saj, ka uruar kryetarin e zgjedhur Kadri Veselin, për të cilin thotë se ka besim se do fuqizojë unitetin e vendit.

“Kam besim se ju z.Veseli dhe lidershipi i PDK do të forconi institucionet, do të thelloni me tutje reformat demokratike, do ta fuqizoni unitetin e vendit, kohezionin qytetar si dhe dialogun ndër-partiak, dhe do ta afroni edhe më shpejt Kosovën në NATO dhe BE..

“Urime juve dhe anëtarësisë së PDK në hapjen e një kapitulli të ri”, ka shkruar Thaci në llogarinë e tij në Facbook./Insajderi.com