Reperi i famshëm amerikan Kayne West akuzohet se drogoi dhe përdhunoi ish-asistenten e tij në një festë të Diddy-t.

Influencerja Lauren Pisciotta e paditi reperin West në qershor për sulm seksual dhe ndjekje teksa ajo punonte për të përgjatë viteve 2021-2022, përcjell Insajderi.

Tani, një padi e re prej 88 faqesh e ngritur të premten mbrëma, të cilën e ka parë Daily Mail, ka dhjetëra pretendime të reja.

Pisciotta përshkroi “fiksimet e sëmura seksuale” të West-it dhe dëshirën për të fjetur me nënat e “objektivave” të tij – përfshirë edhe me familjarët e gruas së tij Bianca Censori.

Padia zgjerohet në festat famëkeqe të seksit dhe pikëpamjet e tij neo-naziste që përfshinin sharje të mbushura me urrejtje.

Ajo gjithashtu pretendoi se West i premtoi se do t’i paguante një pagë prej 4 milionë dollarësh në vit, u mburr për këtë me Jay-Z, më pas e pushoi nga puna dhe refuzoi t’ia jepte 3 milionë dollarë.

West mohoi pretendimet në padinë e saj origjinale, duke i quajtur ato ‘të pabaza’ dhe e akuzoi atë për ‘shantazh dhe zhvatje’.

Por një nga pretendimet më shqetësuese në këtë kallëzim penale ishte se vite përpara se të punonte për të, ai e drogoi dhe e përdhunoi atë.

Pisciotta pohoi se ajo u takua me Westin kur ai e ftoi klientin e saj, një muzikant, në studio dhe në një festë që bashkë-organizoi me mikun e tij Sean ‘Diddy’ Combs.

West njoftoi se të gjithë në eventin në studion e Santa Monica duhej të pinin nëse donin të qëndronin, dhe asaj iu dha një pije nga vetë West.

Pisciotta pas disa gllënjkash “papritmas filloi të ndihej i çorientuar dhe… filloi t’i ndryshonte gjendja”, thuhej në padi.

“Ajo ndjente kontroll të pakësuar të trupit dhe të folurit e saj dhe pikërisht këtu i shpëtojnë kujtimet e natës”, pohon padia.

Të nesërmen, ajo u ndje e ‘turpëruar’ që nuk mund ta kujtonte çfarë kishte ndodhur dhe se West refuzoi të diskutonte atë që ndodhi. /Insajderi.org/