Sot rreth orës 17:00, ka ndodhur një lëndim trupor në rrugën “Elez Berisha” në Fushë Kosovë. Një person ka pësuar lëndime nga një mjet i mprehtë, shkruan Insajderi.

Rastin për Insajderin e ka konfirmuar zëdhënësja e Policisë, Flora Ahmeti.

Ahmeti shtoi se i lënduari është dërguar për trajtim mjekësor.

Në lidhje me këtë ngjarje, është arrestuar një person i dyshuar.

“Sot rreth orës 17:00, kemi marrë informatën për një lëndim trupor të ndodhur në rrugën “Elez Berisha” në Fushë Kosovë. Bazuar në të dhënat fillestare, në këtë rast nga një mjet i mprehtë është lënduar një person. I njëjti është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti. Lidhur me këtë rast është arrestuar një person i dyshuar”, tha Ahmeti.