Ka përfunduar miniafati kalimtar në hendbollin kosovar. Miniafati ishte i hapur prej 10 deri më 17 janar, ndërsa skuadra më e përforcuar pritet të dalë Trepça.

Skuadra mitrovicase ka paraqitur kërkesë që nga Besa Famgas ta transferojë bekun Deniz Terziqi. Prej Kastriotit, Trepça ka paraqitur kërkesë për transferimin e Lulëzim Shabanit e Shpëtim Mehmetit.

Në drejtim të kundërt, nga Trepça te Kastrioti pritet të kalojë Arbër Aliu. Kastrioti ka paraqitur kërkesë edhe për Hamdi Salihun e Prishtinës.

Kërkesë për dy përforcime ka bërë Rahoveci. “Vreshtarët” kanë paraqitur kërkesë për portierin e deritashëm të Besës, Arti Luzha, si dhe brazilianin e Deçanit, Mateus Henrique.

Skuadra pejane, Besa Famgas, ka paraqitur kërkesë për Nimon Idrizajn e Deçanit, ndërsa Samid Mekiq pritet të bashkohet me Prishtinën.

Mekiq në të kaluarën ka luajtur për Kastriotin, ndërsa te Prishtina pritet të vijë nga Suedia. Prishtina paraqiti kërkesë edhe për lojtarin nga Kuba, Manuel Barrios Lores, që së fundi luajti në Portugali. Samadrexha ka paraqitur kërkesë për Besmir Mujën e Vushtrrisë. Me regjistrim të dyfishtë Samadrexhës pritet t’i bashkohen Arjanit Hyseni (Vushtrria) dhe Ermir Januzi (Trepça).

Në konkurrencën e femrave, dy përforcime të mëdha i planifikon Ferizaj. KHF Ferizaj ka paraqitur kërkesë për Aida Stagovën dhe Shkurte Mehmetin që deri më tani ishin te Prishtina.

Prej Prishtinës tek Ulpiana pritet të kalojë Donita Shala, kurse Iurosana Haskaj pritet të transferohet nga Deçani te Shqiponja.

Të gjitha kërkesat e paraqitura në afatin kalimtar do të shqyrtohen nga komisioni për transferimin e lojtarëve.

Konkurrenca e meshkujve

Nr           Emri dhe Mbiemri            Nga Klubi             Në Klubin

1              Deniz Terziqi      KH Besa Famgas                KH Trepça

2              Lulëzim Shabani                KH Kastrioti         KH Trepça

3              Shpëtim Mehmeti           KH Kastrioti         KH Trepça

4              Arti Luzha            KH Besa Famgas                KH Rahoveci

5              Mateus Henrique             KH Deçani            KH Rahoveci

6              Besmir Muja      KH Vushtrria       KH Samadrexha

7              Arjanit Hyseni    KH Vushtrria       KH Samadrexha       r.dyfisht

8              Ermir Januzi        KH Trepça            KH Samadrexha       r.dyfisht

9              Nimon Idrizaj     KH Deçani            KH Besa Famgas

10           Samid Mekiq      Suedia  KH Prishtina

11           Manuel Lores     Portugalia            KH Prishtina

12           Arbër Aliu            KH Trepça            KH Kastrioti

13           Hamdi Salihu      KH Prishtina        KH Kastrioti

Konkurrenca e femrave

Nr           Emri dhe Mbiemri            Nga Klubi             Në Klubin

1              Aida Stagova      KHF Prishtina     KHF Ferizaj

2              Shkurte Mehmeti            KHF Prishtina     KHF Ferizaj

3              Donita Shala       KHF Prishtina     KHF Ulpiana

4              Iurosana Haskaj KHF Deçani         KHF Shqiponja