Ish-presidenti i ShBA-së, Donald Trump ka nisur ofertën e tij të tretë për Shtëpinë e Bardhë, duke deklaruar: “Rikthimi i Amerikës fillon pikërisht tani”.

Në pronën e tij në Florida, ai tha: “Ne duhet të shpëtojmë vendin tonë”, shkruan BBC.

Njoftimi i Trump vjen pasi disa kolegë republikanë e fajësojnë atë për performancën e dobët të partisë në zgjedhjet afatmesme të javës së kaluar.

Presidenti Joe Biden, i cili mundi Trump-in dy vjet më parë, ka thënë se ai mund të kandidojë për rizgjedhje në vitin 2024.

Duke folur para një turme të ftuar nga salla e ballos së klubit të tij privat Mar-a-Lago në Palm Beach të martën mbrëma, Trump, 76 vjeç, tha: “Ne jemi një komb në rënie”.

“Për miliona amerikanë, dy vitet e fundit nën Joe Biden kanë qenë një kohë dhimbjeje, vështirësie, ankthi dhe dëshpërimi”, ka thënë ai.