Politikani konservator, i cili ka përdorur ankesat e luftës kulturore për të fituar mbështetje, përbën “një kërcënim” për ish-presidentin amerikan Donald Trump në garën paraprake republikane.

Guvernatori republikan i Floridës, Ron DeSantis pritet ta shpallë synimin e tij për të kandiduar për presidencën amerikane, të mërkurën, raportuan të martën agjenci të shumta lajmesh.

DeSantis do të flasë me Elon Musk gjatë një ngjarjeje në Twitter Spaces të mërkurën, ku ai do t’i zbulojë ambiciet e tij në Shtëpinë e Bardhë.

Çfarë ka thënë Elon Musk për Ron DeSantis?

“Do ta intervistoj Ron DeSantis dhe ai ka mjaft njoftime për të bërë,” ka thënë pronari i Tëitter Musk në një konferencë të martën. “Do të jetë hera e parë që diçka e tillë po ndodh në mediat sociale dhe me pyetje dhe përgjigje në kohë reale, jo të shkruara. Kështu që do të jetë drejtpërdrejt.”

Kush është Ron DeSantis?

DeSantis, një konservator që ka zhvilluar beteja kulturore në Florida kundër Disney-t dhe shfaqjeve argëtuese, mund të përbëjë një kërcënim për Donald Trumpin në garën paraprake republikane.

Të dy burrat kanë qenë aleatë gjatë presidencës katërvjeçare të Trump në Shtëpinë e Bardhë. Në të vërtetë, Trump e ka mbështetur De Santisin gjatë fushatës së parë të 44-vjeçarit për guvernator.

DeSantis që atëherë e ka falsifikuar identitetin e tij politik dhe mund të apelojë si një alternativë më e re ndaj ish-presidentit 76-vjeçar.

Ndërkohë, Trump të martën bëri një video paraqitje në një sallë gjyqi në Nju Jork, ku gjyqtari ia caktoi atij gjyqin penal për në mars të vitit 2024.

Trump u deklarua i pafajshëm muajin e kaluar për 34 akuza për falsifikim të të dhënave të biznesit në kompaninë e tij familjare.

DeSantis ndan axhendën e Trump

DeSantis ndan axhendën e Trump. Kur bëhet fjalë për migracionin, ai dëshiron të rrethojë kufirin jugor dhe të dëbojë emigrantë pa dokumente. Ai akuzon administratën e Bidenit se nuk ka bërë sa duhet për të frenuar fluksin e emigrantëve.

Në shtator, ai organizoi një fluturim që transportoi 50 emigrantë nga Teksasi në Massachusetts. Demokratët dhe grupet e të drejtave të emigrantëve e dënuan masën si një dredhi politike për të përdorur njerëzit si pengje.

Pavarësisht këtij rasti, DeSantis arriti të fitonte mbi 60 për qind të votuesve hispanikë në Florida, të cilët janë kthyer gjithnjë e më shumë te republikanët vitet e fundit, sipas CBS.

Sido që të jetë, me lëvizje të tilla ai fiton njohje nga republikanët konservatorë, prandaj është edhe mysafir i shpeshtë në televizionin Fox.

Ai foli për futjen e ligjeve strikte të ID-së që do t’ua mohonin të drejtën e votës grupeve të nënpërfaqësuara. Kur bëhet fjalë për politikën e jashtme, ai mbron një qasje të vendosur ndaj Kinës dhe Iranit, ndërsa ka një qëndrim më të butë ndaj pushtimit rus të Ukrainës, sipas Veniti Fer.