Shumë pak njerëz do të mendonin se Portugalia do të mundte Francën në finalen e Euro 2016 mbrëmjen e së dielës, duke përfshirë edhe vetë kampin francez mesa duket.

Mikpritësit e Evropianit ishin favoritët e padiskutuar për të ngritur trofeun në “Stade de France”. Gjithsesi, një gol në pjesën e dytë të kohës shtesë i Eder mjaftoi për t’i rrëmbyer kupën francezëve teksa portugezët dolën fitimtarët befasues të Euro 2016.

France already have a bus ready for their victory parade if they win tonight! pic.twitter.com/jNxlf1aUYj

— Futbol Agent (@Futbol_Agent_) July 10, 2016

Megjithatë, pas fotove të dala nëpër internet ku tregohet një autobus u hapur me ngjyrat e Francës, që bënte xhiro nëpër qytet në prag të ndeshjes.

Autobusi, mbi të cilin shkruhet “Kampionët e Evropës” në frëngjisht, është kapur nga tifozët e shumtë.

Një tjetër mesazh në pjesën e prapme të autobusit falënderonte tifozët për mbështetjen, në një mjet automobilistik që qartësisht ishte bërë për të festuar fitoren e kampionatit në fund të ndeshjes.