Lajmi se Madonna u shtrua me urgjencë në spital ka tronditur fansat e saj në mbarë botën.
Mësohet se gjendja e saj ishte tepër e rëndë sa familjarët menduan se e humbën dhe u përgatitën për më të keqën.
64-vjeçarja u gjet pa ndjenja në New York të shtunën dhe u dërgua me shpejtësi në spital ku thuhet se u intubua gjatë natës.
Më vonë sipas stafit të saj u mësua se ajo vuante nga një ‘infeksion serioz bakterial’ dhe se i duhej kohë për t’u rikuperuar.
I afërmi i këngëtares së lindur në Michigan tha për DailyMail se ata kaluan disa ditë traumatike dhe ishin të pasigurt nëse ajo do t’ia dilte mbanë.
Sipas tij përgatitjet intensive për turneun e saj të ardhshëm i përkeqësuan edhe më shumë gjendjen.