Në tetor të vitit 2023 , kryetari i Gjilanit ka përuruar ambulanten në lagjen Arbëria, por sot është në gjendje të mjerueshme.
Alban Hyseni përmes një postimi në “Facebook” me 6 tetor i kishte dhënë jehonë përurimit të ambulantes në lagjen Arbëria.
Ai kishte ndarë edhe pamje brenda kësaj hapësirë.
Por, vetëm tre muaj pas gjendja aty ka ndryshuar. Në disa foto që ka siguruar Insajderi shihet se kjo ambulantë është në gjendje të mjerueshme.
Madje muret janë mbuluar pothuajse krejtësisht nga myki.