Mbrojtësi Noussair Mazraoui është ankuar për rolin si rezervist te Bayern Munichu.

“Kam luftuar për formacionin titullar në pjesën e parë të sezonit dhe kam treguar se çfarë mundem. Tani ndihem sikur i harruar, edhe pse kjo është fjalë e madhe”, ka thënë mbrojtësi maroken që përfundoi në vendin e katërt në Kupën e Botës.

Këto komente ai i bëri pas eliminimit të bavarezëve nga Liga e Kampionëve.

Mbrojtësi i krahut të djathtë nuk luajti asnjë minutë në gjashtë ndeshje garuese nën drejtimin e trajnerit të ri, Thomas Tuchel.

Mazraoui nuk ka qenë as zgjedhje e dytë apo e tretë në pozitën e tij, por zgjedhje e katërt.

Mazraoui iu bashkua Bayernit nga Ajaxi i Amsterdamit në verën e kaluar si futbollist i lirë.

Pati telashe me zemër pas infektimit me koronavirus dhe ishte jashtë fushës për disa javë. Ishte i gatshëm për lojë që prej mesit të muajit mars.