Ushtria ukrainase pretendon se ka rrëzuar dy helikopterë rusë brenda pak minutave, vetëm një ditë pasi pretendohet se ushtria e Putinit pësoi më shumë se një mijë viktima në luftë.

Në videon e publikuar nga ushtria ukrainase pretendohet se kundërajrorët kanë goditur helikopterët e tipit Ka-52 Alligator në Kherson. Ky helikopter vlerësohet rreth 12 milionë paund dhe është cilësuar si më vdekjeprurësi që ka Rusia.

Sulmi i fundit vjen vetëm pak javë pasi trupat ukrainase pretenduan se rrëzuan 4 helikopterë në 18 minuta.

Të hënën, ushtria e Ukrainës pretendoi se ka vrarë të paktën 1000 ushtarë rusë pranë Khersonit, në një sulm të ushtrisë vendase që i kapi të papërgatitur trupat e Putin. Përveç kësaj të hëne ku 1 mijë ushtarë humbën jetën, raportohet se të dielën, po ashtu shifra e viktimave ka qenë e përafërt.