Deputeti i Partisë Demokratike të Kosovës, Azem Syla është duke u kërkuar nga policia si i dyshuar për krim të organizuar, shpërlaje parash, ka mësuar Insajderi.

Policia nuk e ka gjetur Sylën në shtëpinë e tij në Kizhnarekë të Drenasit.

Operacioni për kërkimin e tij ka nisur sot në ora 6 të mëngjesit. Policia ka bastisur dhe po vazhdon bastisjet në 40 lokacione të ndryshme të Kosovës.

Aksionin e ka konfirmuar EULEX-i.

“Sot në mëngjes ka nisur një operacion i gjerë. Operacioni është i përbashkët i Policisë së EULEX-it dhe asaj të Kosovës”, ka thënë zëdhënësja, Besa Domi.

Insajderi sjell pas pak detajet e këtij rasti, emrat e të dyshuarve, si dhe veprimet kriminale. Do të mësoni se më cilët serbë, njëri prej të cilëve, ish-polic i Serbisë, ka bashkëpunuar ish-komandanti i përgjithshëm i UÇK-së, Azem Syla.