Ish-kryeministri i Pakistanit, Imran Khna është arrestuar në ambientet e gjykatës teksa kishte shkuar për tu përballur me akuzat për korrupsion.

Një dëshmitar i Reuters tha se menjëherë pasi Khan hyri nga porta e gjykatës së lartë të Islamabadit, kontingjentet e forcave paraushtarake dhe transportuesit e personelit të blinduar hynë pas tij.

“Porta ishte bllokuar nga automjetet e blinduara dhe Khan u largua nën siguri të rreptë” ka thënë dëshmitari.

Khan u rrëzua nga posti i kryeministrit në një votë mosbesimi në prill të vitit të kaluar. Ai ka pretenduar se rrëzimi i tij ishte i paligjshëm dhe një komplot perëndimor dhe ka bërë fushatë kundër qeverisë së pasardhësit të tij, Shehbaz Sharif, duke kërkuar zgjedhje të parakohshme./Insajderi