×
  • Sport
  • Sport

    Vavalis tha se në emisione sportive po flitet pa analizuar asgjë! Sokoli dhe Statovci “shpërthejnë” ndaj deklaratës së trajnerit grek

    Insajderi
    23 October 2023 - 00:08

    Trajneri i Dritës, Akis Vavalis, kishte thënë në ATV se në emisionet televizive të sportit në Kosovë flitet pa analizuar formacione, taktike apo gjëra të tjera që shkojnë gabim.

    Por, sipas trajnerit Bylbyl Sokoli kjo deklaratë e Vavalis nuk është aspak korrekte.

    ”Kjo deklaratë e tij nuk është aspak korrekte. Ne në studio dhe në të gjitha studiot, analizohet në mënyrë detajuese mënyra e lojës së një trajneri, në aspektin teknik, aspektin taktik, aspektin aspektin psikologjik, aspektin fizik, aspektin teorik dhe në aspketin sociologjik. Kjo nuk është aspak korrekte të nënçmohemi në këtë formë, se sot a e lavdëruam Vavalisin dhe thamë që ka pesë fitore, kjo është detyra jonë kur i ka rezultatet ta lavdërojmë,” tha ai në emisionin ‘Dueli Sportiv’ në RTV Dukagjini.

    Pas ”Profës” reagoi ashpër edhe trajneri Faruk Statovci, duke pretenduar se tekniku grek nuk ka qenë asnjëherë trajner.

    ”Ka trajnera që këta ta lënë flejt në Kosovë, këtë e ka bërë trajner Drita. Ka qenë vetëm ndihmëstrajner me i mbledh konat, me bo formacionin e taktikat jo. Rreth kësaj deklaratës duhet të reagojë edhe klubi. Mos t’na shet moral,” tha Statovci.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark