![](https://insajderi.org/wp-content/themes/insajderi-org/logo/menu-insajderi.png)
Lideri i Partisë Demokratike të Kosovës, Kadri Veseli, është shprehur se së bashku me bartësin e listës së koalicionit PDK-AAK-NISMA, Ramush Haradinaj janë lidership që marrin vendime.
“Në takimin me veteranë, Ramushi dhe unë kërkuam votën e tërë Kosovës për një lidership të sigurt, një lidership që merr vendime”, ka shkruar Veseli në llogarinë e tij në Facebook.
Veseli ndër tjerash ka shkruar se “këto zgjedhje kërkojnë përgjigje – kujt mund t’ia besoni sigurinë e fëmijëve tuaj dhe fëmijëve të fëmijëve tuaj”, ka përfunduar shkrimin e tij i pari i PDK-së.
Fushata zgjedhore pritet të fillojë nesër me 31 maj. /Insajderi.com