Vetëvendosje përkrahë protestën e nesërme në Shkup – Insajderi
×
  • Lajme
  • Lajme

    Vetëvendosje përkrahë protestën e nesërme në Shkup

    Insajderi
    08 May 2016 - 20:33
    Klikoni Këtu për t'u bërë pjesë e kanalit të Insajderit në Youtube.

    Në një postim në rrjetin social “Facebook”, thonë se kjo protestë është shprehje e përbashkët e organizimeve të ndryshme qytetare shqiptare në Maqedoni, dhe adreson problematikat shqetësuese që ka krijuar pabarazia etnike të cilën tash e shumë vjet e përjetojnë shqiptarët në Maqedoni.

    “Lëvizja Vetëvendosje përkrah secilin organizim të përbashkët të shqiptarëve në Maqedoni që i kundërvihet politikave diskriminuese që kanë prodhuar qeverisjet e deritanishme të Gruevskit dhe aleatëve të vet”, është shkruar në njoftim.

    Sipas tyre, Maqedoni nuk mund të ketë stabilitet, në kurriz të shqiptarëve, andaj sipas tyre, e vetmja mënyrë që Maqedonia të mbijetojë, është pranimi i shqiptarëve si popull tërësisht i barabartë, në të drejta qytetare dhe kombëtare.

    “Shqiptarëve duhet t’u lejohet të kenë institucionet e tyre, në secilin sektor e segment, në secilë n fushë të shtetformimit, të politikëbërjes, të krijimit kulturor dhe të prodhimit ekonomik. Shpresojmë që bashkimi i shqiptarëve në protestën e datës 9 maj, të çelë një perspektivë të re, emancipuese për shqiptarët e Maqedonisë. Një perspektivë që duhet t’i japë fund pabarazisë”, thuhet në njoftimin e postuar në rrjetin social “Facebook”. /Insajderi.com


    OP-ED
    Nga Rubrika
    x

    © 2016-2025 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark