Një rast tronditës ka ndodhur gjatë ditë së djeshme në Çagllavicë. Një i ri po dyshohet se vrau vetën. Babë e bir po dyshohet se e shtynë 38 vjeçarin drejt vdekjes. Skënder e Albion Tasholli dyshohen se kanë gisht në vetëvrasjen e B.Salihut.

Të njëjtit tashmë janë arrestuar nga Policia e Kosovës dhe janë dërguar në mbajtje për 48 orë, nën dyshimin e kanë kryer veprën penale “shtytje në vetëvrasje”.

Skender Tasholli është anëtar i Lidhjes Demokratike të Kosovës në Lipjan, ai ishte arrestuar edhe më parë nga Policia e Kosovës.

Tasholli ishte arrestuar pra 11 vitesh për armëmbajtje pa leje dhe kërcënim të qytetarëve në qendrën votuese Babush Muhaxherëve.

Kështu bënte me dije Partia Demokratike e Kosovës përmes një njoftimi.

Tasholli është babai i asamblesites së Lidhjes Demokratike të Kosovës, Albiona Tasholli.

Për rastin janë deklaruar nga Policia e Kosovës.

Përveç Skënder Tashollit e djalit të tij, Policia është vënë në kërkim edhe të një personi të tretë.

“Graqanicë / 14.05.2024-07:00. Një mashkull kosovar, ka raportuar se ka vërejtur një person që dyshohet pa shenja jete. Njësitet relevante policore dhe ekipi mjekësor kanë dalur në vendin e ngjarjes ku është konstatuar vdekja e viktimës mashkull kosovar. Me vendim të prokurorit trupi i pajetë i viktimës është dërguar në IML për obduksion. Lidhur me rastin në koordinim me prokurorin dhe me urdhër të gjyqtarit është bërë bastisja në dy lokacione të ndryshme, ku në shtëpinë e të dyshuarit mashkull kosovar gjatë kontrollit janë gjetur dhe sekuestruar disa dokumente, ndërsa në lokacionin e dytë në shtëpinë e dy të dyshuarëve meshkuj kosovarë nuk është gjetur asgjë e dyshimtë që ndërlidhet me rastin”.

“Dy të dyshuarit janë arrestuar dhe pas intervistimit me vendim të prokurorit janë dërguar në mbajtje, ndërsa i dyshuari i tretë pasiqe nuk është hasur në shtepi gjendet në kërkim policor”, thuhet në njoftim.