Një këmbësor është goditur sot nga një veturë në fshatin Papaz të Ferizajt. Viktima ka pësuar lëndime të rënda trupore, ndërsa i dyshuari ka ikur nga vendi i ngjarjes.

Rastin për Insjaderin e ka konfirmuar zëdhënësi i Policisë së Kosovës për rajonin e Ferizajt, Kanun Veseli.

“Sot, rreth orës 17:50 kemi pranuat një informacion se në fshatin Papaz të Ferizajt ka ndodhur një aksident komunikacioni, ku një automjet ka goditur një këmbësor, mashkull, i moshës rreth 53 vjeçar dhe është larguar nga vendi i ngjarjes, duke i shkaktuar lëndime të rënda trupore“, tha ai.

Veseli njoftoi se viktima është dërguar në Qendrën Emergjente në Ferizaj, ndërsa organet e rendit po punojnë në identifikimin e automjetit që është larguar nga vendi i ngjarjes.

“Një ekip e emergjencës ka dalë në vendin e ngjarjes për ti dhënë ndihmën e parë mjekësore dhe të lënduarin e ka transportuar në Qendrën Emergjente në Ferizaj Ndërsa edhe ekipe të policisë menjëherë kanë dalë në vendin e ngjarjes dhe po punojnë intensivisht në identifikimin e automjetit që është larguar nga vendi i ngjarjes. Për informata tjera do të njoftoheni me kohë“, tha Veseli./Insajderi.org