Pep Guardiola është një nga mendjet më të mëdha që ka parë ndonjëherë futbolli. Vetëdija e tij taktike për lojën e bukur është e pakuptimtë dhe mënyra me të cilën ka rikrijuar të luajturit është për t’u admiruar vërtet.

Sidoqoftë, për t’u bërë po aq i ditur dhe po aq efektiv sa spanjolli, në thelb duhet të hani, të flini dhe të merrni frymë futbolli, duke i kushtuar pjesën më të madhe të jetës sportit, ndërsa kërkoni të mësoni sa më shumë që të mundeni.

Është e sigurt të thuhet se trajneri i Manchester City ka bërë pikërisht këtë gjatë viteve, duke u zhytur në futboll aq thellë sa nuk mundet kushdo. Një histori e fundit që u shfaq në internet tregon se Pep nuk mund të largohet nga qasja e tij menaxheriale ndaj lojës magjike, edhe pasi u largua një vit nga roli i trajnerit (kur e la Barcelonën më 2012).

Rezulton se ai thjesht nuk mund ta mbante veten kur u përfshi me ekipin U-12 të djalit të tij. Madje ofroi këshilla taktike gjatë një periudhe të shkurtër që drejtonte një ndeshje për ekipin, duke rezultuar në atë që u detyrua të tërhiqej si arbitër, në gjysmë të lojës.

Pasi u largua nga Barcelona në vitin 2012, Guardiola mori një vit jashtë futbollit, duke u transferuar në Nju Jork për 12 muaj, përpara se përfundimisht të bashkohej me Bayern Munich më 2013. Sipas një prej ish-shokëve të skuadrës së djalit të tij, Marius, Jules Shalhov, në një video të fundit që u shfaq në internet, ai rregullisht kalonte kohë duke parë ndeshjen e ekipit të tyre të futbollit U-12.

Pasi kishte ndjekur rregullisht ndeshjet e skuadrës në “Asfalt Green” të Nju Jorkut, trajneri spanjoll ofroi shërbimet e tij të gjyqtarit, pasi arbitri i caktuar nuk u paraqit në një ndeshje. Fëmijët ishin më se të lumtur që ai të ndërhynte dhe të kryente rolin e “bilbilit”. Madje, videoja shpërndan pamje shumë të rralla të spanjollit duke arbitruar lojën me një pallto të kuqe të ndezur. Një pamje që duhet parë me të vërtetë për t’u besuar.

Të jesh arbitër është një punë e vështirë, madje edhe gjyqtarët më të mëdhenj në botë kanë luftuar herë pas here. Ata kurrë nuk do t’i bëjnë të gjithë të lumtur, edhe Guardiola nuk ishte ndryshe. Edhe pse, duket sikur mund të ketë qenë faji i tij këtu, pasi zemëroi prindërit e fëmijëve të përfshirë.

Në pamundësi për t’u shkëputur nga natyra e tij taktike, 52-vjeçari tashmë nuk mundi ta mbante veten, duke bërtitur me këshilla për djalin e tij dhe pjesën tjetër të lojtarëve, duke shpjeguar pse duhej të futeshin në pozicione të caktuara dhe çfarë duhet të bënin për të fituar. Kjo, fare e kuptueshme, filloi t’i zemëronte prindërit.

Në pjesën e parë, ata u përballën me zemërim me Guardiolën, duke dyshuar mbi aftësinë e tij për të gjykuar ndeshjen. Kështu, spanjolli u largua si gjyqtar në pjesën e dytë, duke lejuar dikë tjetër të ndërhynte dhe ta merrte përsipër arbitrimin, gjë që prindërit e pranuan me kënaqësi.

Në videon që u publikua së fundmi, prindërit nuk ishin në dijeni se kush ishte Guardiola, kur kërkuan që ai të largohej si gjyqtar, duke supozuar se ishte thjesht një prind i njëanshëm, që bën sikur di gjithçka. Por ndërsa loja vazhdonte, gjithnjë e më shumë spektatorë filluan të kuptonin se ishte ish-trajneri i Barcelonës, ai që sapo ishte larguar nga klubi spanjoll si mbajtësi i rekordeve për fitimin e më shumë titujve si trajner.

Ndërsa u përhap lajmi, edhe prindërit e zemëruar që ishin përballur më herët me spanjollin kuptuan se cili ishte dhe kredencialet e tij, duke iu afruar pas përfundimit të ndeshjes për t’i kërkuar falje për veprimet e tyre. Aq i përulur siç ka qenë gjithmonë, Guardiola pranoi shpejt çdo falje dhe madje ishte i lumtur të bënte foto me sa më shumë nga fëmijët atje që dëshironin.

Është e vështirë të imagjinohet se ka tifozë futbolli në botë që nuk do ta njihnin menjëherë Guardiolën, duke marrë parasysh rekordin e pabesueshëm që ai kishte në stolin e Barcelonës në katër vitet si trajner atje, ku fitoi 14 trofe mahnitës, por ja që ndodhi në Nju Jork. /Telesport/