Disa ditë pas vrasjes së 30-vjeçarit Gazmend Hyseni i njohur me nofkën “Strella”, sipas prokurorisë Qendrim Januzi, vëllau i reperit Buta, janë zbardhur detaje të reja.

Lidhur me rastin në një prononcim për Gazetën Insajderi, avokati i vëllait të Butës, Fitimi Shabani, pretendon se Prokuroria ka sekuestruar telefonat e Qëndrim Januzit dhe Gazmend Hysenit.

Sipas Shabanit, nga ekzaminimi i tyre do të vërtetohet të gjitha rrethanat, që kanë dërguar në vrasje.

“Unë besojë ashtu edhe duhet të jetë që Prokuroria i ka sekuestruar telefonat e klientit time dhe të të ndjerit dhe kjo rrethanë do të vërtetohet nga ekzaminimi i tyre”, tha Shabani për Insajderi.

Kujtojmë se në mesnatën e 28 majit, vrasja e rëndë e 30-vjeçarit Gazmend Hyseni, i njohur me nofkën “Strella” tronditi qytetin e Ferizajt.

Prokuroria pretendon se Hyseni u vrarë nga Qendrim Januzi, që është vëllau reperit kosovar Betim Januzi i njofur për publikun si Buta, duke shtënë gjashtë herë me armë zjarri ndaj Gazmend Hysenit.

Januzi ishte urdhëruar nga policia civil që të ndalojë, por thuhet se i është kthyer policit duke ia drejtuar armën, po njëri nga zyrtar policor për ta shmangur rrezikun e plagos Januzin.