Cristiano Ronaldo-s i është ofruar një rrugë kthimi në Premier League dhe në futbollin europian nga Arabia Saudite. Ylli i Al-Nassr është informuar se ai mund të bashkohet me Newcastle në vitin 2024, sipas  El Nacional.

Cristiano Ronaldo u largua nga Manchester United në nëntor 2022 kur kontrata e tij u ndërpre pas mosmarrëveshjeve me trajnerin Erik ten Hag. Sulmuesi veteran iu bashkua gjigantëve saudit Al-Nassr në janar 2023 pas Kupës së Botës në Katar.

38-vjeçari ka kthyer mbrapsht kohën në Arabinë Saudite, me 24 gola në 24 ndeshje. Paraqitjet e tij në kampionatin saudit kanë rënë në sy të pronarëve të klubit, të cilët tani i kanë ofruar një rrugë kthimi në Europë.

Cristiano Ronaldo-s i është ofruar një kalim te skuadra angleze Newcastle, një skuadër në pronësi të pronarëve të Al-Nassr. Sulmuesi nuk ka qenë ende shumë i hapur ndaj idesë, por ka të ngjarë ta konsiderojë atë në javët e ardhshme.

Bardhezinjtë janë të interesuar të forcojnë skuadrën e tyre me disa super yje të tjerë, pasi shpenzuan shumë për Sandro Tonalin në verë. Fitorja e 4-1 ndaj Paris Saint-Germain në Champions League duket se ka rritur ambiciet e klubit.