Presidentja e Kosovës, Vjosa Osmani është shprehur se të gjithë janë në krah Policisë së Kosovës.
Osmani deklaroi se terroristët s’na zmbrapsin, por sipas saj vetëm e forcojnë vendosmërinë tonë.
“Në misionin fisnik, në mbrojtje të integritetit e sovranitetit të Republikës së Kosovës, jemi të gjithë në krah të Policisë së Kosovës. Të gjithë bashkë me një mesazh: Terroristët s’na zmbrapsin, por vetëm e forcojnë vendosmërinë tonë! Faleminderit heronjve tanë në uniformë! Kosova është e përjetshme”, ka shkruar Osmani teksa ka bashkangjitur një fotografi të policëve të Kosovës.