Presidentja e Komisionit Evropian, Ursula von der Leyen, sot do të nisë një vizitë katërditore në Maqedoninë e Veriut, Kosovë, Mal të Zi, Serbi dhe Bosnjë e Hercegovinë.

Lajmin e ka bërë të ditur Zyra e Bashkimit Evropian në Prishtinë.

Në këto takime pritet të diskutohet për bashkëpunimin dypalësh dhe do t’i prezantohet më në detaje udhëheqësve rajonalë Plani i Rritjes së BE-së për Ballkanin Perëndimor.

Von der Leyen nesër do të mbërrijë në Prishtinë, ku do të zhvilloj takime me kryeministrin dhe presidenten.

“Të hënën ajo do të udhëtojë për në Prishtinë, ku do të takohet me Presidenten, Vjosa Osmani dhe kryeministrin e Kosovës, Albin Kurti”, thuhet në njoftim.

Ndërsa, pasdite Von der Leyen do të udhëtojë për në Beograd. Atje ajo do të takohet me presidentin e Serbisë, Aleksandar Vuçiq dhe me kryeministren, Ana Brnabiq.

Presidentja e KE-së thuhet se do të mbajë konferenca për shtyp gjatë të gjitha vizitave të saj dhe ato do të transmetohen në EbS .