×
  • Lajme
  • Lajme

    Vonesat, kritikat për shoferët – këto janë ankesat tjera të qytetarëve ndaj Trafikut Urban

    Insajderi
    30 July 2019 - 16:31

    Përderisa disa kishin ankesa se ka vonesa të autobusëve disa të tjerë patën kritika edhe për shoferët e autobusëve të Trafikut Urban.

    Në anën tjetër të kënaqur me lirimin nga pagesa janë shprehur pensionistët nga Prishtina. Teksa një qytetar u shpreh se nuk kanë ku të presin për autobus, përmend edhe kungjat e vendosur nëpër Prishtinë.

    Insajderi ka folur me kryeshefin e Trafikut Urban, Lulzim Rexhepaj i cili ka treguar se cilat janë ankesat më të shpeshta të qytetarëve.

    Kërkesat e qytetarëve për linja të reja, operatorët privat, problemet me aplikacionin e Trafikut Urban janë disa nga ankesat e shqetësimet më të shpeshta të qytetarëve. Madje, ndaj Trafikut Urban qytetarët ankohen edhe për mungesën e shenjave për vend-ndalje të autobusëve për të cilat Rexhepaj thotë se nuk është në kompetencën e kësaj ndërmarrje vendosja e tyre.

    “Ankesat më të shpeshta të qytetarëve janë për mungesën e shenjave për vend-ndalje të autobusëve. Këto ankesa apo shqetësime janë plotësisht të arsyeshme, mirëpo nuk janë në kompetencën tonë të “Trafikut Urban” – jemi në kontakt me drejtorinë e shërbimeve Publike të cilët janë në përpjekje për ta zgjedhur këtë problem”, ka thënë Rexhepaj për Insajderin.

    E përveç shenjave për vend-ndaljen e autobusëve qytetarët kishin edhe ankesa të tjera si mungesa e kabinave (pritoreve), vendosja e një orari për autobusëve.

    Qytetarët kërkojnë që pritoret të rregullohen sa më parë, për shkak se edhe në ditët me shi, borë ju duhet të presin në qiellin e hapur.

    “…është problem i madh për njerëzit e moshuar, njerëzit e sëmur koha kur është me shi, besa edhe kur është shumë nxehtë”, i tha njëri nga qytetarët Insajderit.

    Që pritoret nuk janë të standardit të duhur e thotë edhe kryeshefi i Trafikut Urban, Lulzim Rexhepaj.

    “Është e vërtetë duhet të jemi real dhe jemi real – pritoret nuk janë në standardin e kërkuar, ende mungojnë oraret. Por, meqë plani i mobilitetit ende nuk ka fillu implementimin brenda planit të mobilitetit parashihet edhe rregullimi i pritoreve sepse disa linja të autobusëve do ta ndryshojnë drejtimin”, ka deklaruar ai.

    Nga Komuna e Prishtinës kanë thënë se janë duke punuar për pritoret e reja të autobusëve.
    “Pritoret janë duke u bë gati për me dal me procedurë të prokurimit janë në fazën përfundimtare të përgatitjes për me dal”, thuhet në përgjigjen e Komunës së Prishtinës duke mos dhënë një përgjigje të prerë se kur do të finalizohet ky projekt.

    Teksa kanë shtuar se me planin e mobilitetit parashihet përveç rregullimi të pritoreve edhe ndryshimi i drejtimit për disa linja të autobusëve.

    Derisa Komuna e Prishtinës t’i ripërtërijë apo t’i vendos pritoret me standarde të duhura, qytetarët janë të detyruar të presin në qiellin e hapur e nëpër pritoret me kushte jo fortë të mira./Insajderi.com

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark