Presidenti serb Aleksandër Vuçiq, ka thënë se kryeministri i Kosovës Albin Kurti, do ta përdorë Këshillin e Evropës për padi kundër Serbisë.

Këtë deklaratë Vuçiq e bëri pasi Kurti tha se Kosova do ta akuzojë Serbinë për krime lufte.

“Kurti ishte duke pritur që një shtet tjetër të bëjë padi, sepse Kosova nuk mund ta bëjë këtë, pasi nuk është një vend i njohur ndërkombëtarisht, kështu që dikush duhet ta bëjë në vend të tyre, e që është e vështirë”.

“Ai po kërcënon, pikërisht për shkak të Këshillit të Evropës, për shkak të asaj që ia kanë mundësuar Dora Bakoyannit dhe shteteve perëndimore dhe do të përdorë institucionet e asaj organizate për të ngritur padi kundër Serbisë përmes tyre. Është pjesë e Planit masiv për presion dhe sulm ndaj popullit serb”, ka theksuar presidenti serb.