Kosova do të luajë me 8 qershor ndaj Guinenë, pasi Komorosi për shkak të restrikcioneve për hyrje në Turqi si pasojë e Covid-19, e ka të pamundur të udhëtojë në këtë datë në Antalia, raporton Insporti.

Pjesë e skuadrës së Guinesë do të jetë ylli i Liverpoolit, Naby Keita. Përveç tij, edhe mesfushori i Romës, Amadou Diawara dhe Saïdou Sow i St Ettiene do të jenë pjesë e skuadrës.

Të rikujtojmë se Dardanët gjatë muajit qershor do t’i zhvillojnë katër miqësore. Fillimisht më 1 qershor do të përballen me San Marinon në “Fadil Vokrri”, e më pas do të udhëtojnë në Austri për t’u përballur me Maltën (më 4 qershor), derisa më pas do të udhëtojnë në Antalia, ku do të zhvillojnë miqësoret me Guinenë dhe Gambinë, më 8 përkatësisht 11 qershor./Insporti.com/