Heroi i Tottenhamit, Son Heung-min, mund të ketë parë rritjen e vlerës së tij të transferimit, pasi u bë një vit më i ri brenda natës falë ligjit në Korenë e Jugut.

Son, i cili është 30 vjeç sipas sistemit ndërkombëtar të plakjes, ishte konsideruar një vit më i madh në vendin e tij për shkak të një metode joortodokse të njohjes së moshës.

Presidenti Yoon Suk Yeol miratoi një ligj vitin e kaluar, që do të shfuqizonte vendimin e mëparshëm të fëmijëve, që u caktohej mosha një vjeç në lindje dhe mosha dy vjeç sapo kalonte një vit.

Kjo do të thotë, që një foshnjë e lindur në fund të dhjetorit në Korenë e Jugut, do të konsiderohej si dy vjeç në janar, pavarësisht se ishte vetëm disa ditësh. Ndryshimi u bë për të ndalur konfuzionin që rrethonte metodën e plakjes, e cila daton prej shekujsh.

Son, i cili ka shënuar 145 gola për Spurs dhe ka fituar “Këpucën e Artë” të Premier League në sezonin 2021/22, do të festojë ditëlindjen e tij të 31-të më 8 korrik.

Sulmuesi, i cili është kapiten i kombëtares së Koresë së Jugut, ka kontratë me klubin londinez deri në vitin 2025, gjë që do ta çojë atë deri në ditëlindjen e tij të 33-të jo të 34-t.

Son ishte i lidhur me derën e daljes në stadiumin e “Tottenham Hotspur”, pas një oferte prej 100 milionë paundësh për t’u transferuar në Arabinë Saudite. Megjithatë, koreano-jugori ka thënë:

“Kam shumë gjëra për të bërë në Premier League. Paratë nuk kanë rëndësi për mua tani, dhe krenaria e të luajturit futboll, në ligën time të preferuar është më e rëndësishme. Unë dua të luaj më shumë për Tottenham.”