
Në fjalimin e saj në Kuvendin e Kosovës, përfaqësuesja së lartë të BE-së Frederica Mogherini, tha se Asociacioni apo “Zajdenica” qysh opozita për 7 muaj i është referuar këtij organi të serbëve në Kosovë, është një hap i fuqishëm i Kosovës drejt BE-së.
“Nuk do të jetë një udhëheqje paralele serbe, por do të jetë brenda ligjeve të Kosovës dhe më lejoni të them se Asociacioni i Komunave Serbe do ta pasuroj Kosovën dhe do të jetë një hap drejt një Kosove më të fuqishme për shkak se do të integroj serbët e Kosovës në vend”, tha Mogherini në një fjalim para deputetëve të Kuvendit të Kosovës.
Por lideri i Lëvizjes Vetëvendosje, Visar Ymeri, ka shfrytëzuar pritjen që BE ka bërë për Mogherninin, që ta kundërshtojë atë se çfarë ka thënë për Asociacionin.
“Ishte e rëndësishme t’ia shpreh drejtpërdrejt znj. Mogherini dëmet dhe rreziqet me të cilat ‘Zajednica’ e kanos sovranitetin e Republikës sonë, si dhe shpërputhjen flagrante që parimet themeltare të ‘Zajednicës’ kanë me vlerat fundamentale te BE-së”, citohet t’i ketë thënë Ymeri Mogherinit.
Sipas këtij qëndrimi të postuar në Facebook-un e kryetarit të VV-së, thuhet se Ymeri i ka thënë Mogherinit se “paqja e qëndrueshme në Evropë erdhi, dhe vazhdon të mbijetojë, vetëm në bazë te barazisë mes popujve dhe qytetarëve”.
“ Kjo paqe e mirëqenie kanë qenë të pamundura kur kishte pabarazi, shtypje e eksploatim. Republika e Kosovë duhet të jetë Republikë që garanton barazi të qytetarëve. Për të qenë e tillë Republika e Kosovës duhet të jetë e barabartë me shtetet tjera te rajonit e te BE-së”, përfundon Ymeri./Insajderi.com