YouTube njoftoi se do të ndalojë komentet në të gjitha videot e fëmijëve nën 18-vjeç në përpjekje për të mbrojtur ata dhe familjet e tyre.

Videot ku përfshihen fëmijët ishin bërë cak i komenteve nga pedofilët. Pasi kjo u zbulua, shumë kompani kishin tërhequr reklamat nga YouTube.

Komentet e pedofilëve ishin të natyrave të ndryshme, përfshirë edhe ato që kategorizohen si seksuale, përcjell KosovaPress.

Askush nuk do të ketë mundësi të komentojë në video ku ka fëmijë të ngarkuara nga ata vet ose prindërit e tyre.