Zbogar: MSA kërkon rritje të standardeve të produkteve – Insajderi
×
  • Lajme
  • Lajme

    Zbogar: MSA kërkon rritje të standardeve të produkteve

    Insajderi
    21 April 2016 - 11:20
    Klikoni Këtu për t'u bërë pjesë e kanalit të Insajderit në Youtube.

    Marrëveshja për Stabilizim-Asociim është mundësi konkrete që Kosova të zhvillojë ekonominë e saj, porse kjo marrëveshje do të jap potencialin e vetë vetëm nëse rriten standardet e prodhimeve vendore.

    Kështu tha Samuel Zbogar, përfaqësues i BE-së në Kosovë, në një tryezë ku morën pjesë liderët politik të Kosovës, përfshirë këtu edhe përfaqësues të partive opozitare.

    “Kjo tryezë tregon zotimin për rrugën e Kosovës drejt BE-së, për te cilën marrëveshja është gurthemel. MSA është marrëveshje e rëndësishme si në aspektin politik ashtu edhe ekonomik dhe përçon perspektiven evropiane te vendit”, ka thënë Zbogar në tryezën e quajtur “Si ta shndërrojmë MSA-në në një proces për reforma thelbësorë ne Kosovë”.

    “MSA do të ofrojë potencialin e plotë nëse se produktet i përmbushin standardet. Kërkoj nga qeveria dhe shoqëria civile bashkëpunim në këtë drejtim”, ka shtuar ai.

    Për zbatimin “maksimal” të kësaj marrëveshje u zotua kryeministri i vendit, Isa Mustafa, që tha se kjo është një prej dokumenteve më të rëndësishme që Kosova ka nënshkruar me BE-në.

    “Përkushtimi i qeverisë është maksimal për implementimin e kësaj marrëveshje”, ka thënë ai, duke shtuar se kur njeriu ece i vetëm ecë me shpejt, pot kur ecet në grup shkon me larg.

    Por, Visar Ymeri, kryetar i Lëvizjes Vetëvendosje, ka thënë se Kosova nuk ka perspektivë drejt BE-së dhe se BE-ja është përdorur nga politikanët e vendit më shumë për të mbuluar aferat e tyre korruptive.

    “Si mund te thuhet se e kemi rrugën e garantuar drejt BE-së kur pesë vende nuk e njohin Kosovën,” ka thënë ai.

    “BE fatkeqësisht dhe diskursi për në BE është njëfarë miti, parajsa po na premtohet pas hyrjes ne BE”, ka thënë kryetari i partisë më të madhe opozitare në Kosovë.

    Për më tepër, Ymeri ka thënë se efektet e menjëhershme nga marrëveshja tregtare “do të jenë me shumë të dëmshme. e ndoshta më vonë mundet të shënoj pozitivistet.”

     


    OP-ED
    Nga Rubrika
    x

    © 2016-2025 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark