Nga 19 qendra të votimit në veri të Kosovës, 13 prej tyre janë improvizuar në kontenjerë, si qendra alternative ku qytetarët do të mund të votojnë, shkruan Insajderi.

Gazeta Insajderi ju sjell pamje të kontejnerëve të vendosura në dita prej pikave të votimit.

Vendimi për të vendosur qendra alternative për votim është marrë në bazë të vlerësimeve të organeve të sigurisë dhe nga konstatimi se vetëm 6 qendra mund të hapeshin në lokacionet e mëhershme, nga 44 që ishin gjithsej.

Deri në këto orë vërehet një dalje e vogël e numrit të votuesve.

Në zgjedhjet për kryetar të komunës së Leposaviqit në garë janë: Albulena Hetemi Behluli (PDK) dhe Lulzim Hetemi (VV) si dhe në listat e KQZ figuron edhe emri i Aleksandër Jablanoviq (PKS), i cili ditë më parë u tërhoq nga gara.

Në Zubin Potok gara zhvillohet mes dy kandidatëve, Izmir Zeqirin nga PDK dhe Flatron Hasanin e Vetëvendosjes.

Në Zveçan kandidojnë Ilir Peci nga PDK-së, Fetah Peci nga VV, ndërsa Sladjana Pantoviq është kandidate e pavarur.

Në zgjedhjet për kryetar të Mitrovicës së Veriut garojnë Iniciaitva Qytetare Mitrovica me kandidatin Betim Osmani, PDK me Taulant Kelmendin dhe Vetëvendosje me Erden Atiq.

/GazetaInsajderi