Një banesë në Skenderaj është përfshirë nga zjarri.

Lajmin e ka konfirmuar zëdhënësi i policisë për rajonin e Mitrovicës, Avni Zahiti, i cili tha se nuk ka të lënduar dhe se është arrestuar një person lidhur me rastin.

“Rreth orës 03:00 është  pranuar informatë  për një incident zjarri  i ndodhur në një  banesë  në  rrugën “Fehmi e Xhevë Lladrovci” në Skenderaj. Zjarrfikësit kanë lokalizuar zjarrin. Nuk është raportuar për ndonjë person të lënduar,Lidhur me rastin një  person është arrestuar dhe të njëjtit me aktvendim të  prokurorit i është  caktuar masa e ndalimit policor. Rasti është iniciuar dhe po hetohet për veprën penale ‘Shkaktim i rrezikut të përgjithshëm”, thuhet tutje në konfirmim.