Objekti i Gjykatës Themelore – dega në Kaçanik, është përfshirë nga zjarri para dy ditëve dhe si pasojë janë dëmtuar dy zyre.

Sot, Prokuroria Themelore në Ferizaj, njoftoj se me vendim të Prokurorit të Shtetit, ka ndaluar në kohëzgjatje prej 24-orësh, tre persona të mitur lidhur me shkaktimin e zjarrit në objektin e Gjykatës Themelore në Ferizaj- Dega në Kaçanik.

“Prokuroria Themelore në Ferizaj, ndaj të njëjtve, brenda afatit ligjor, do të paraqesë kërkesë për caktimin e masës së paraburgimit në Gjykatën kompetente në Ferizaj”, thuhet në njoftim.