Fisnik Rugova është përforcimi i radhës i Bashkimit.

Klubi prizrenas përmes faqes zyrtare të klubit ka njoftuar për arritjen e marrëveshjes me reprezentuesin e Kosovës.

Rugova vlerësohet si një prej basketbollistëve më të shquar në vendin tonë.

Ai në edicionin e fundit ishte pjesë e Rahovecit.

Njoftimi i plotë nga KB Bashkimi:

“Ua prezantojmë numrin 7-të për këtë sezonë!

Njëri ndër basketbollistët më të shquar vendorë, kampioni i shumëfishtë i Kosovës, fituesi i kupës së Kosovës dhe gjithashtu fituesi i Balkan League, këtë sezonë do të jetë portokall e zi.

I urojmë mirseardhje ne familjen tonë portokall e zi përfaqësuesit të kombëtares së Republikës së Kosovës Fisnik Rugova”.