Real Madridi ka kompletuar marrëveshjen për kalimin e Borja Mayoral te Getafe.

Klubi madrilen e ka bërë të ditur lajmin përmes një komunikate në uebfaqen e klubit, shkruan FrontOnline.

“Real Madrid CF dhe Getafe CF kanë rënë dakord për transferimin e lojtarit Borja Mayoral. Klubi ynë e falënderon për punën dhe përkushtimin e tij gjatë kohës që i përkiste Real Madridit. Real Madridi i uron atij dhe familjes gjithë të mirat në këtë fazë të re të jetës së tij”, thuhet ndër tjerash në komunikatën zyrtare të Los Blancos.