Karim Benzema është përfshirë në ekipin e gjelave këtë verë për Kampionatin Evropian, raporton Insporti.

Franca tashmë ka publikuar listën prej 26 lojtarëve të cilët do të jenë pjesë e Kampionatit Evropian të këtij viti.

Karim Benzema është përfshirë në skuadër për herë të parë që nga viti 2016, teksa Anthony Martial i Manchester United mbetet jashtë.

Franca shihet si favorit duke qenë se ka lojtarë të klasit botëror si Kylian Mbappe, Paul Pogba, N’Golo Kante dhe Raphael Varane, por Benzema do ta bënte Francën të dukej e pandalshme, të paktën në letër.