Një tjetër kampion i botës i është bashkuar Paris Saint-Germainit. Mbrojtësi i Bayern Munichut, Lucas Hernandez, 27-vjeçar, është zyrtarizuar të dielën si futbollist i ri i PSG-së. Raportohet se ai i ka kushtuar klubit parisien 40 milionë euro.

Prezantimi i tij zyrtar mund të bëhet të hënën, kur edhe do t’i nis stërvitjet. Hernandez nuk ka luajtur për një kohë të gjatë për shkak të një lëndimi që e mori në Kupën e Botës në Katar.

Ai pati probleme me ligamente në gjurin e djathtë dhe nuk ka luajtur që prej muajit tetor me skuadrën e Bayernit.

PSG-ja deri tani ka transferuar sllovakun Milan Skriniar, uruguaianin Manuel Ugarte, spanjollin Marco Asensio dhe jugkoreanin Kang-In Lee.