Këshilli i Etikës do të mbajë mbledhjen, ku pritet të jetë në seancë dëgjimore profesori Xhevat Krasniqi, i denoncuar nga 27 studente për ngacmim seksual.
Gazeta Insajderi merr vesh se seanca dëgjimore do të fillojë nga ora 11:00.
Insajderi më herët raportoi se për Krasniqin, Këshilli i Etikës rekomandoi tek rektori i UP’së suspendimin e Krasniqit.
Seanca dëgjimore pritet të jetë e hapur.
Skandali i profesorit Xhevat Krasniqi është i madh.
27 denoncime janë ndaj tij për ngacmim seksual si profesor i Universitetit të Prishtinës.
Xhevat Krasniqi, profesor i rregullt pranë Fakultetin e Edukimit, është denoncuar nga 27 studente të Fakultetit të Mjekësisë për ngacmim seksual, në Këshill të Etikës, ndërsa menjëherë pas denoncimit Mjekësia ka ndërprerë bashkëpunimin me Krasniqin, por jo edhe Universiteti i Prishtinës.
Ai vazhdon të ligjërojë në Fakultetin e Edukimit. Ligjërimi i tij u pengua sot nga studentët të cilët në shenjë revolte e ndërprenë ligjëratën përmes fishkëllimave.
Për këtë skandal të 27 denoncimeve nga studentet ndaj Xhevat Krasniqit, Gazeta Insajderi ka raportuar në vazhdimësi.
Aty janë sjellur dëshmi dhe rrëfime nga ana e studenteve dhe mënyrën se si Krasniqi i ngacmonte seksualisht dhe sillej me gjuhë të rënde dhe veprime banale.
Për kronologjinë e këtij skandali mund t’i lexoni tekstet e publikuara nga Gazeta Insajderi: