Një 31-vjeçar është arrestuar pasi dyshohet se ka kërcënuar me thikë dy kolegë të tij, me të cilët vijojnë kursin e gatimit në Institutin Profesional “ATC” .

asti ka ndodhur si pasojë e një mosmarrëveshje momentale me palëve, që eskaloi në kanosje gjatë orës së mësimit.

Sipas Sinjait i dyshuari që ka rënë në prangat e Policisë është T.B, ndaj të cilit tashmë kanë nisur hetimet me urdhër të Prokurorit të Shtetit.  

I njëjti po dyshohet se pasi u kap me dy kolegët e tij, ua ka drejtuar atyre thikën, duke iu shkaktuar shqetësim e frikë, për çka të njëjtit kërkuan ndihmën e Policisë, duke e raportuar rastin.

Si rezultat i denoncimit, njësitet policore kanë intervenuar në vendin e ngjarjes, ku janë siguruar edhe prova që dëshmojnë përfshirjen e të dyshuarit në incident.

Pas përfundimit të procedurave policore, Prokurori i Shtetit ka urdhëruar që i dyshuari të dërgohet në mbajtje për 48 orë dhe ndaj tij të nisin hetimet në drejtim të veprës penale “Kanosje”.