Presidenti serb dhe bartësi i listës “Serbia nuk duhet të ndalet”, Aleksandar Vuçiq, mbrëmë ka kumtuar se kjo listë ka fituar 74.2 për qind të votave të serbëve të Kosovës.

“Sipas të dhënave të para preliminare, lista ‘Aleksandar Vuçiq – Serbia nuk duhet të ndalet’ ka fituar 74.2 për qind të votave të qytetarëve nga Kosova dhe Metohia”, ka thënë Vuçiq në një fjalim në selinë zgjedhore të partisë së tij PPS.

Ai ka shtuar se lista “Serbia kundër dhunës” ka fituar pak më shumë se pesë për qind të votave të komunitetit serb nga Kosova.

Ndryshe, në zgjedhjet parlamentare të 3 prillit të vitit të kaluar, lista “Aleksandar Vuçiq – Së bashku mund të bëjmë gjithçka” ka marrë 12.586 vota nga votuesit e Kosovës, pra 64.04 për qind.