Tre persona janë lënduar mbrëmë në lagjen Emishir si pasojë e rënies së ashensorit, shkruan Insajderi.

Të njëjti kanë pranuar tretman mjekësor.

Detaje ka dhënë zëdhënësja e Policisë, Flora Ahmeti e cila ka konfirmuar se gjithsej në të ndodheshin 9 persona.

“Dje rreth orës 19:00 kemi pranuar informatën për një incident (rënie e ashensorit) në lagjen Emshir në Prishtinë, saktësisht në një ndërtesë në rrugën “Hysni Gashi” ku janë lënduar 3 nga 9-të personat të cilët ishin në një ashensor”, ka konfirmuar Ahmeti për Insajderin.

Ajo ka bërë me dije që policia në koordinim me prokurorinë dhe institucionet kompetente po merren me rastin.