Në mbledhjen e mbajtur sot, Shoqata e Naftëtarëve ka dalë kundër vendimit të paralajmëruar të Qeverisë për rregullimin e çmimeve të derivateve në vend, sipas së cilit parashihen kufizime në fitimet e naftëtarëve.

Kreu i naftëtarëve, Fadil Berjani ua ka dërguar kryeministrit Albin Kurti dhe ministrave një letër përmes së cilës ka kërkuar ulje të akcizës dhe TVSH’së për produktet e naftës. Ka paralajmëruar edhe mbyllje të pompave të derivateve në gjithë vendin, nëse kërkesat e tyre s’merren parasysh.

Por çfarë ndodhi realisht në këtë takim?

Gazeta Insajderi merr vesh se takimi i naftarëve të Kosovës ka qenë me tensione. Kompanitë kanë akuzuar njëra tjetra se po luajnë me çmimi duke prishur kështu edhe tregun e naftës.

“Ka pas tensione të nxehta. Njëra kompani në takimin e sotit ju tha se tri kompani të mëdha ‘ju qe jeni prezent’ po luni me çmime dhe po e prishni tregun”, thanë burimet e Insajderit nga ky takim.

Ata i kanë sugjeruar Qeverisë Kurti që të reagojë sikur Qeveritë e vendeve të rajonit, duke marrë këto veprime.  

“Qeveria, nëse me të vërtetë është e interesuar të mbroj konsumatorin, do të ishte e pritshme të reagonte njëlloj me Qeveritë e vendeve të rajonit dhe të BE’së nëpërmjet uljes së akcizës dhe/ose TVSH’së për produktet e naftës”, thuhet në letrën e naftëtarëve.

Sipas tyre, kufizimi i marzhës së fitimit do të ketë efekte shkatërruese për kompanitë e naftës.

“Industria e naftës për shkak të inflacionit të përgjithshëm vetëm se është duke u ballafaquar me rritje enorme të kostove qoftë të pagave, normave të interest, shpenzimeve të mirëmbajtjes etj. Kjo e kombinuar me kufizim të marzhës së fitimit do të ketë efekte shkatërruese për kompanitë e naftës”, thuhet në dokument.

Nëse këto kërkesa nuk merren parasysh, naftëtarët kanë propozuar që marzhat të caktohet kështu: “Shitja me shumicë 3 përqind dhe shitja me pakicë 12 përqind”.

Por në rast se kërkesat e tyre refuzohen, naftëtarët thonë se janë të detyruar të ndërmarrin masa të tjera përt të mbrojtur kompanitë e naftës.

Qeveria e Kosovës pritet të ndërhyjë në rregullimin e çmimit të derivateve, pas luhatjeve të shpeshta kohëve të fundit të çmimit të benzinës dhe atij të naftës. Të mërkurën, çmimi i naftës Kosovë arriti në nivele rekorde, duke shkuar deri në 1.92 euro.

Gazeta Insajderi ka siguruar vendimin, i cili parasheh kufizime në fitimet e naftëtarëve.

Sipas vendimit 2 cent do të jetë fitimi për një litër naftë për shitësit me shumicë, ndërsa 8 eurocentë për njësi të produktit të shitur me pakicë nga importuesi ose subjekti i ndërlidhur

Ndërsa 10 centë për litër do të jetë fitimi për shitje me pakicë për subjektet që nuk janë importuese.

Kjo do ta ulte çmimin aktual të derivateve për 12 centë. /Gazeta Insajderi

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur