Komandant Kajari ia ka dorëzuar komandën e KFOR-it gjeneralmajorit Angelo Michele Ristuccia
Në kampin e KFOR-it në Prishtinë ka nisur ceremonia e ndërrimit të komandës së KFOR-it, ku Gjeneralmajori i Ushtrisë Hungareze, Ferenc Kajari ia ka dorëzuar komandën e KFOR-it gjeneralmajorit të ushtrisë italiane, Angelo Michele Ristuccia.
Gjeneralmajori i Ushtrisë Italiane, Angelo Michele Ristuccia, pas pranimit të detyrës së komandës së KFOR-it në Kosovë tha se është krenar që është pjesë e këtij ekipi.
“Unë jam krenar që jam pjesë e këtij ekipi. E falënderoj Gjeneralmajorin Ferenc Kajarin për punën e tij të jashtëzakonshme”, ka thënë Ristuccia.
Në këtë ceremoni po merr pjesë kryeministri i Kosovës, Albin Kurti e presidentja e Kosovës, Vjosa Osmani.
Të pranishëm aktualisht në hapësirat ku po mbahet ceremonia janë edhe ministri i Punëve të Brendshme, Xhelal Sveqla, ministri i Planifikimit Hapësinor dhe Infrastrukturës, Liburn Aliu dhe zëvendësministri i Mbrojtjes, Shemsi Syla.