Deputetja e Lidhjes Demokratike të Kosovës, Rrezarta Krasniqi ka reaguar pas ri-emërimit të Arben Vitisë, ministër të Shëndetësisë, shkruan Insajderi.

Krasniqi i ka kujtuar Vitisë deklaratën e dhënë para 1 viti ku thoshte se “nuk kthehem më”, teksa po jepte dorëheqje nga posti i ministrit.

“4 Nëntor 2021 – Arben Vitia: Misioni im ka përfunduar në Ministrinë e Shëndetësisë, nuk kthehem më.
26 Dhjetor 2022 – Arben Vitia emërohet sërish ministër i Shëndetësisë. HIPOKRIZI”, shkroi ajo në Facebook përcjell Insajderi.

Ndërkohë, kryeministri i Kosovës, Albin Kurti, sot emëroi Arben Vitinë, Ministër për Shëndetësi.

Vitia që ishte ministër në këtë qeveri, u largua pasi kandidoi për kryetar të Prishtinës. Pas humbjes së zgjedhjeve, ishte raportuar se ai u angazhua drejtor i një kompania laboratorike në vend.

Prej rreth tre muajsh, Kosova nuk ka pasur ministër të Shëndetësisë, prej largimit të Rifat Latifit nga kjo detyrë.

/GazetaInsajderi

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja